Birleşken Milletlerniñ Qaçaqlar meseleleri yuqarı komissarlığı (UNHCR) “Prıhıstok” programmasına qoşma 265 million grivna ayıra. Bu Prezident ofisiniñ saytında yazıldı.

“Prıhıstok” bücetiniñ arttırılması Prezident ofisi, BMniñ QMDİ, ReNazirligi, Tış işleri ve ğayrıdan tiklev nazirlikleriniñ birleşken ğayretleri sayesinde mümkün oldı. Bu, programmanı 2024 senesiniñ soñuna qadar devam ettirmege imkân berecek.

“Prıhıstok” leyhası sayesinde, ev saipleri özlerine bedava DAKni yerleştirecek soñ, kommunal hızmetlerniñ ödemelerini tazmin ete bileler.

Qayd etmek kerek ki, bu seneniñ qara qış ayından başlap BMniñ Qaçaqlar hızmeti, ReNazirliginen imzalanğan añlaşmanıñ esasında, ükümetniñ “Prıhıstok” programmasınıñ maliyeviy yardımcısı ola. Bu yılnıñ başlarında halqara donorlar leyhanı desteklemek içün 615 million grivnadan çoq para ayırdılar.

Umumen, tolu miqyaslı istilâ başlağan soñ, “Prıhıstok” programmasından aman-aman 1,2 million devlet içinde köçken şahıs faydalandı. Şimdiki vaqıtta programmada tahminen 65 biñ ev iştirak ete, olar 160 biñden çoq köçip kelgen insannı qabul ettiler.