Bu mevzu, Prezident ofisiniñ yolbaşçısınıñ muavini İrına Vereşçuknıñ yolbaşçılığı altında keçirilgen, tahliye etilgen ealige destek kösterilmesinen bağlı oturışta muzakere etildi.

Oturışta ReNazirligi, halqara ve cemaat teşkilâtlarınıñ vekilleri, em de bir sıra vilâyet arbiy memuriyetleriniñ vekilleri iştirak ettiler.

Diqqatnıñ ortasında — sıñırsızlıq, qart ve az mobil olğan köçip kelgen insanlar içün vaqtınca yaşayış yerleriniñ teşkil etilmesidir. Hususan, sıñırlı areket etüv gruppaları içün yerlerniñ irişile bilirligi aqqında söz yürsetildi.

Ukrainadaki BMniñ sistemasınıñ idarecisi, BMniñ gumanitar idarecisi Matias Şmale, Birleşken Milletlerniñ gumanitar işler koordinatsiya idaresiniñ ortaqlarınen beraberlikte, ealiniñ zayıf gruppalarına yardım etken yerli teşkilâtlarğa 20 million dollar ayırmağa qarar alğanlarını qayd etti.

Şimdi, çalışqan ve tecribesi olğan, lâkin mevcut leyhalarını amelge keçirmek içün qoşma parağa muhtac olğan ya da faaliyetini keñleştirmege istegen teşkilâtlardan teklifler beklenile.

BMniñ gumanitar idarecisi qayd etti ki, halqara teşkilâtlar tahliye etilgen ukrainlerge qoltutmağa devam etecekler. Hususan, ayrıca diqqat, ealiniñ zayıf gruppalarına qol tutuvğa berilecek.