Qatarnıñ yardımınen Ukraina ğayıp olğan askerlerniñ cedvellerini ve cenk esirleriniñ mektüplerini aldı.

Yuqarı Şuranıñ insan aqları vekâletlisi Dmıtro Lubinets, Qatar Tış işleri nazirliginde halqara işbirlik meseleleri naziri Lolva Raşıd al-Haternen körüşken soñ bunı bildirdi.

Bundan ğayrı, taraflar esirlerni deñiştirüv esnasını tezleştirmek usullarını muzakere ettiler. Bundan da başqa, qıyın vaziyetke oğrağan vatandaşlarğa yardım, hususan şahsiy vesiqalarnı ğayrıdan tiklev aqqında añlaşmalar tizildi.

Qatar Ukraina ve Rusiye arasında gumanitar meselelerniñ çezilüvinde esas aracı ola. Onıñ yardımınen biz defalarca qanunsız sürgün etilgen ve istilâcı devlet tarafından mecburen köçürilgen ukrain balalarını evlerine qaytarıp oldıq.