Svitlana Solotvinska daa evel Herson vilâyetindeki Trohımivka köyünde yaşay edi. Tolu miqyaslı istilâ sebebinden evini terk etip, Jıtomırğa köçmege mecbur oldı.

Qadın er vaqıt öz işini açmağa arzu ete edi, onıñ içün yañı yerde ğayretlerini kerçekleştirmek içün yollarnı faal sürette qıdırmağa başladı.

Bir vaqıt devamında Kiçik ve orta biznesniñ destek mektebinde oquy edi. Bu oña kerekli tecribeni qazanmağa ve eİş devlet programmasınıñ mikrograntına ariza bermege yardım etti.

Soñra iş planını muvafaqiyetnen qorçaladı ve para aldı.

Bu paralar şeerniñ merkezinde binanı kiralamağa ve güzellik studiyasını qurmağa yardım etti. Anda kosmetik hızmetleriniñ farqlı çeşitleri teklif etile.

Svitlana öz işini faal sürette inkişaf ettire ve hızmetini daimiy sürette yahşılaştıra.

Bundan da ğayrı, çeşit tedbirlerde öz tecribesini paylaşa ve başqa köçip kelgenlerni teşviq ete.