Ukraina Prezidentiniñ Ofisiniñ reisiniñ muavini İrına Vereşçuknıñ yolbaşçılığında saqat insanlarnıñ içtimaiy qoruvı saasında meselelerni çezüv oturışı olıp keçti.

İştirakçiler saqat aydavcılar içün tibbiy teşkerüv esnaslarınıñ islâatını muzakere ettiler.

İslâatnıñ maqsadı – bütün vatandaşlar, hususan saqatlar içün tibbiy teşkerüvlerge musaviy irişimni temin etmektir.

Ayrıca diqqat, olarnıñ protez, közlük ya da eşitüv aletleriniñ qullanuvı kibi şahsiy ihtiyaclarını köz ögüne alıp, saqat aydavcılarnıñ umumiy şaraitte tibbiy teşkerüvden keçmeleri içün ayırıldı.

Bundan ğayrı, böyle insanlar içün naqliyat vastalarını uyğunlaştırmaq imkânı bar. Meselâ, aydavnı qolaylaştırmaq içün elnen idare etüv ya da avtomat transmissiyanıñ qullanuvı qullanmaq mümkün.

Bundan da ğayrı, tibbiy teşkerüvniñ kâğıt vesiqalarından vazgeçip, olarnı elektron tibbiy hulâsalarğa deñiştirmege planlaştırıla.

Şimdi leyha azırlana ve iç sınav basamağında buluna.

Beklenilgenine köre, yañı usul vesiqalarnı resmiyleştirüv esnasını sadeleştirecek ve vatandaşlarnıñ bütün kategoriyaları içün daa qolay ve semereli bir sistema temin etecek.