Koreya Halqara İşbirlik Agentligi (KOICA) tarafından Halqara Migratsiya Teşkilâtı (HMT)nen beraberlikte keçirilgen teşebbüs, ağır yaşayış şaraitinde olğan insanlarğa ve cemiyetlerniñ ğayrıdan tiklenmesine yardım etmek maqsadınen yapıldı. Bu aqqında HMTnıñ saytında aytıldı.

Leyha üç yılğa planlaştırıla. Bu vaqıt içinde 40 biñden çoq adamğa yardım kösterilecek, dep beklenile.

Onıñ çerçivesinde 24 cemaatqa Çernihiv, Kıyiv, Harkiv ve Dnipropetrovsk vilâyetlerinde maddiy ve tehnikiy yardım berilecek.

Bundan da ğayrı, hususiy diqqat hassas eali gruppalarına ayırılacaq.

Leyhanıñ umumiy büceti 8,52 million dollardır.

Teşebbüs Ukraina ükümeti, hususan İçtimaiy siyaset nazirligi ve Ğayrıdan tiklev nazirliginen işbirlikte ömürge keçirilecek.