Vinnıtsâ vilâyetinde Prezident ofisiniñ yolbaşçısınıñ muavini İrına Vereşçuknıñ reberliginde azat etilgen arbiy hızmetçilerniñ reabilitatsiyası meselesine bağışlanğan tış oturış olıp keçti.

Tedbirde Mudafaa nazirligi, Ukraina Silâlı Quvetleri, Veteranlar nazirligi, Cenk esirlerinen munasebet meseleleri idare ştabı, Ukraina Yuqarı Şurasınıñ İnsan aqları vekâletlisiniñ Ofisiniñ vekilleri iştirak ettiler.

İştirakçiler azat etilgen mudafaacılarnıñ içtimaiy qoruvınen bağlı meselelerni baqıp çıqtılar. Hususan, pasport, arbiy bilet, cenk areketlerinde iştirak etken şahıs şeadetnamesi, esirlikte bulunğanını tasdiqlağan vesiqalarnıñ berilmesini ve ğayrıdan tiklenilmesini qolaylaştırmaq ve tezleştirmek meselesi.

Bundan ğayrı, Vinnıtsâ vilâyetindeki tibbiy müessiselerden birinde evel açılğan Esirlikten azat etilgen arbiylerniñ tibbiy ve ruhiy reabilitatsiya merkeziniñ işletilüvi muzakere etildi.

Oturışnı yekünlep, İrına Vereşçuk, azat etilgenlerge qayğımız er künlik ameliy areketlerimizde aks etilmeli, dep qayd etti.