Konferentsiya Ukraina prezidenti Volodımır Zelenskıynıñ Barışıq formulasınıñ dörtünci maddesiniñ “Bütün esirler ve sürgün etilgenlerni azat etüv” yerine ketirilmesine doğrultılğan.

Tedbirniñ maqsadı — esir alınğan ve sürgün etilgen şahıslarnıñ: cenk esirleri, vatandaş reineleri ve sürgün etilgen balalarnıñ qaytarılmasını temin etmek içün ameliy qararlarnen yol haritasını şekillendirmektir.

Tedbirniñ canlı yayını orta küz ayınıñ 30-31-nde olacaq. Tedbir aqqında anons Ukraina Prezidentiniñ Ofisi saytında yerleştirildi.

Orta küz ayınıñ 30-nda saat 22:00 Kıyiv vaqtında açılış sessiyası olacaq.

Orta küz ayınıñ 31-nde, Kıyiv vaqtında saat 00:15 sürgünlik ve esirlikten qaytqan ukrainlerniñ Rusiye Federatsiyasınıñ cinayetleri aqqında şaatlıqlarınen tematik panel olacaq.