Böyle malümatlar Mahsus vaziyetlerde ğayıp olğan şahıslarnıñ tek cedvelinde saqlana. Ukraina içki işler naziriniñ muavini Leonid Tımçenko bunı bildirdi.

Olarnı qıdırmaq içün bütün memlekette mahsus merkezler çalışa. Olar vilâyet merkezlerinde Milliy polis idaresinde çalışalar. Anda taqiqatçılar ve taqiqat hadimleri ğayıp olğan şahıslarnıñ meseleleri vekillerinen ve keregi olsa – Havfsızlıq hızmetiniñ vekillerinen işbirlik yapalar.

Ğayıp olğan yaqınlarını qıdırğan vatandaşlarğa eñ yaqın Milliy polis idaresine ya da 0 800 103 333 sıcaq hatqa muracaat etmege tevsiye etile.

Hatırlatamız ki, malümatnı 1648 qısqa nomer (çetelden +38 (044) 287-81-65 telefon nomerası ve Viber çatbotı vastasınen) boyunca Milliy malümat bürosına bere bilesiñiz.

Bundan da ğayrı, [email protected] elektron poçtasına haber yollamaq, büronıñ Facebook saifesiniñ messencerine yazmaq ya da resmiy saytında onlayn formanı toldurmaq mümkün.