Mahsus devlet subsidiyasınen 10 aşhane merkeziniñ teşkil etilmesi közde tutula, olar birinci hanım Olena Zelenska tarafından teşebbüs etilgen mektep aşayt islâatınıñ bir qısmıdır.

Ukraina Prezidentiniñ Ofisi reisiniñ muavini İrına Vereşçuknıñ yolbaşçılığında keçirilgen oturışta bu aqqında haber etildi.

Oturışta tasil nazirligi, ReNazirligi, vilâyet ve Kıyiv şeeriniñ arbiy memuriyetleri ve tasil müessiseleriniñ vekilleri iştirak ettiler.

Aş pişirüv merkezleriniñ meydanğa ketirilüvi, Tasil nazirliginiñ 2024 senesi saban ayınıñ 18-nde qabul etilgen 348. buyruğınen közde tutula.

Aş pişirüv merkezleri — bu mektepte aş pişirgen mütehassıslarnı azırlav merkezleridir. Olar, zenaat müessiseleriniñ esasında teşkil etileker. Anda aşçı studentleri ve mektep aşhaneleriniñ hadimleri de yañıdan tasil alalar.

Devlet subsidiyasına binaen, aşhane merkezleriniñ meydanğa ketirilmesi içün şu yerlerde para ayırılacaqtır:

• Dnipropetrovsk, Zaporijjâ, Lviv, Mıkolayiv, Rivne, Sumı, Harkiv ve Çerkası vilâyetlerinde birer merkez;

• eki merkez — Hmelnıtskıy vilâyetinde.