Bu ödemelet Ukrainanıñ cebege yaqın topraqlarındaki yaşağan balalı qorantalarğa maddiy yardım aqqında ReNazirligi ve UNİCEFniñ ortaq leyhası çerçivesinde yapıla.

Söz balalı qorantalarnıñ zayıf kategoriyalarına qış mevsiminde, hususan, qızdıruv teminatı saasında olarğa yardım etmek içün 21 800 grivnâ miqdarında yardım aqqında kete.

Dnipropetrovsk, Donetsk, Harkiv, Herson, Sumı ve Zaporijjâ vilâyetleriniñ cebege yaqın (30 kilometrge qadar) mesken yerlerinde yaşağan qorantalarğa paralar berile.

Şimdige qadar 68 biñden çoq adamğa, şu cümleden 30 biñ balağa uyğun yardım kösterildi, dep X içtimaiy ağındaki saifesinde UNİCEF haber etti.

Umumen, programma çerçivesinde 2024/2025 seneleri qışqa azırlanuv yardım tedbirlerinen cebe rayonlarınıñ 100 biñge qadar sakinini qaplamaq planlaştırıla.