Devlet, telükeli bölgelerden tahliye etken er kes aqqında qayğıra, dep 1+1” kanalınıñ canlı yayınında vitse baş nazir İrına Vereşçuk qayd etti.

Çoq bölgede tahliye etkenler endi beklenile. Yañı yerde insanlar vaqtınca mesken, ihtiyac duyğanları içtimaiy destek, tibbiy yardım mıtlaqa alacaqlar. Balalar oqumağa devam ete bilecekler – yerli akimiyet mekteplerdeki yañı yerlerni yaratacaq.

“Cevapkâr oluñız, telükesiz bölgelerge ketiñiz! Biz mıtlaqa yardımcı olacaqmız, yerleştirecekmiz. Er kes içün bir yer tapılacaq – em siziñ yaqınlarıñız, em de dört pancalı arqadaşlarıñız içün. Donetsk vilâyetinden ilk tahliye treninde insanlar endi öz ev ayvanlarınen kete ediler. Ve bu doğru. Siz aqqında qayğıracaqmız. Birlikte sıcaqlıqta qış keçirecekmiz ve beraber ğalebe qazanacaqmız!” – dep İrına Vereşçuk inandırdı.