Canlı yayınlardan birinde vitse baş nazir İrına Vereşçuk bunı bildirdi. Onıñ sözlerine köre, rusiye, devletimizge yardımnı azlaştırmaq içün, halqara cemiyetke çoq basım yapmağa tırışa.

“Amma bu asla olmaycaq. Halqara diqqatnıñ başqa şeylerge çekmek içün duşmannıñ çoq çaba köstermesine baqmadan bile de. Men sıq sıq Avropa Birliginiñ vekillerinen körüşem ve inandıra bilirim ki, yardım tek çoqlaşacaq. Ve bunı içün Avropa Birligindeki bizim ortaqlarımızğa teşekkür bildirmege isteyim”, – dep vitse baş nazir ayttı.

O qayd etti ki, şu anda eñ çoq diqqat gumanitar qarşılıqqa ve qış mevsiminiñ muvafaqiyetli keçmesine ayırıla. Baar mevsiminde viran etilgen astyapı, işğalden azat etilgen topraqlardaki evler ve binalar yañıdan qurulmağa başlar.

“Bu melelelerni al etkende ecnebiy yatırımcılarımızğa ümüt etemiz. Misal içün, leh Lüblin şeeriniñ akimiyet lehlerniñ Harkiv vilâyetini yañıdan qurmağa qatılmalarını teklif ete. Olar, telüke añlayaraq, bu bölegeg yardım etmek içün, sakin bir tarzda (şu cümleden, şeer parası) para bermege azırlar. Ve bu tür misaller çoqtır. Bunıñ içün haqlara ortaqlarımıznen beraber yañıdan quracaqmız ve yatırım yapacaqmız. Şu cümleden, cebege yaqın topraqlar içün”, – dep İrına Vereşçuk hulâsa çıqardı.