Reintegratsiya nazirliginiñ 24 saat işlegen buhran meseleleri sıcaq hattına keçken aftaki bütün hitaplarnıñ 52 %-indan ziyade DAK ödemelerinen bağlı edi. Umumen iyül ayınıñ 30-ından avgust ayınıñ 6-sına qadar ukrainalılar Nazirlikke 8480 kere telefon ettiler – yani er bir buçuq daqqa telefon çala edi.

Eñ aktual sualler arasında – BMT ve Halqara Qırmızı Haç Eyyetinden para ödemesini alma, DAK statusını ve gumanitar yardımnı vesiqalaştırma edi.

Hatırlatamız ki, Reintegratsiya nazirligi DAKge devletten para yardımını ödeme ve halqara yardım berme meselelerini öz nezareti astına aldı.

Reintegratsiya nazirliginiñ buhran meseleleri 15-48 sıcaq hattı 24 saat muntazam tarzda çalışmaqtadır.