Umumiy ukrain telemarafonınıñ canlı yayınında Herson VAMniñ mebusı Serhiy Hlan bunı bildirdi. “Dzerkalo tıjnâ” (`Aftanıñ küzgüsi”) mebusnıñ sözlerini tsitata olaraq ketire.

“Bugünge qadar Herson vilâyeti ilâç buhranınıñ sıñırında faktik olaraq buluna. Hronik hastalıqlarnı tedaviylendirmek içün ilâçlar insanlar içün deyerli irişilmez. İnsanlar kerekli ilâçlarnı içemegeni içün öleler”, – qayd etti.

Onıñ sözlerine köre, rf orduları vaqtınca işğal etilgen Herson vilâyetine, bu cümleden halqara teşlikâtlarnıñ vekilleri içün, kirişni blok ettiler. Bunıñ içün tek göñülliler ilâçlarnı ketire bilirler.

Keçenlerde haberdar etkenimiz kibi akimiyet, telükeli bölgelerniñ ve VIETnıñ sakinlerini Ukrainanıñ kontrol etkeni topraqlarına tahliye etmege çağırdı – telükeli bölgelerden çıqmağa mecbur olğan iç bir aile akimiyetniñ diqqatından marum etilmeycektir.