Yaşlar içün mesken binalarını qurmağa yardım etken devlet fondu, Almaniya Ükümeti yardımınen Ukraina Ükümeti tarafından kerçekleştirilgen «Devlet içinde alınğan kişiler içün mesken binaları» leyhası çerçivesinde kredit namzetleri arasından nevbetteki qazanğanlarnı sayladı.

2021 s. yanvar ayınıñ 12-sinde qayd etilgen namzetlerden imtiyazlı mesken kreditini alacaq daa 150 kişi saylandı.

Protsedura, Halqara mesleatçı tarafından teklif etilgen, KfW tarafından uyğunlaştırılğan ve şahsiy malümatlarnıñ qorçalanmasına dair qanunlarnıñ talaplarına uyğun olğan RandomPicker.com programma teminlenüvi qullanılaraq, tesadufiy sayı generatorı yardımınen tesadufiy sayav yapılaraq kerçekleştirildi.

Saylavnıñ canlı yayını YouTubedeki Yaşlar içün mesken binalarını qurmağa yardım ekten devlet fondunıñ kanalında keçti.

Bağlantığa basıp ğaliplerniñ cedvelini köre bilesiñiz.

Bir soñki iş kününden daa keç olmamaq üzre, Yaşlar içün mesken binalarını qurmağa yardım etken devlet fondunıñ regional idareleriniñ, ğaliplerge kereli vesiqalarını bergeme haber etecegini qayd etemiz.

Sicilde qayd olmaq içün arizalarnı qabul etüv 2021 s. yanvar ayınıñ 13-ünden yañıdan başlanacaq. Arizalar, Diya portalı vastasınen bağlantığa basıp berilecek.

Hızmetniñ tehnikiy yerine ketirilüvi, Ukrainanıñ raqamiy transformatsiya nazirligi yardımınen yapıldı.

Kredinti nasıl resmiyleştirmek içün bağlantığa basıp tafsilâtlıca oquñız.

2020 s. dekabr ayınıñ 2-sinde Yuqarı Şuranıñ, Ukraina Ükümeti ve Almaniya Ükümeti arasında devlet içinde alınğan kişilerniñ mesken alması içün imtiyazlı ipoteka kreditini bermek içün KfW alman devlet bankından 25,5 mln yevro qullanuvğa dair añlaşmanı tasdıqlağanını hatırlatamız. Mezkür añlaşma, DAKniñ umumen tahminen 40 biñ yevrolıq meskenlerni alması içün (20 yıl içün ve imtiyazlı şaraitnen – 3%-i) imtiyazlı kreditni almağa imkân yaratacaq.

2021-2022 seneleri içinde bu leyha, eñ az 680 qorantanı ya da 1768 DAKni daimiy meskennen temin etmege imkân berecek.