Endi bir qaç ay boyunca VİETda rus işğalcileri mecburiy pasportleştiruv ceryanını keçirmege tırışalar, dep Donetsk VDM haberdar ete. Olarnıñ strategik maqsadı – öz vaqtınca “akimiyeti”ni qanunlaştırmaq ve qanunsız referendum keçirmke içün bir temel qoymaq, öz ordusına mecburen mobilizatsiya etmek içün daa çoq ukrainalını cedvelllerine kirsetmektir.

Rf pasportını alğan emek yaşlı vatandaşlar işğalci ordusınıñ askerinden biri  avtomatik olaraq ola bilir. İşğalcilerniñ cebede büyük ğayıpları bar – Ukraina Mudafaa nazirliginiñ bilgilerine köre fevral ayınıñ 24-ünden olarnıñ ğayıplarınıñ sayısı endi 42 biñ kişiden ziyadedir. Bunıñ içün duşman “pasportlaştırılğan” ukrainalılarnıñ mecburen mobilizatsiyası yardımınen öz ordusını daa sıq yañartacaq.

Haberdar etkenimiz kibi vitse baş nazir İrına Vereşçuk ilân etti: VİETnıñ sakinleriniñ mecburiy pasportlaştırılması – halqara seviyeli bir cinayet ve Ukraina maqemege davalarnı azırlay. Cinayetke ait olğan er kes mesüliyet alacaq.