Yanvar ayınıñ 12-sindeki oturışta Ukraina Nazirler Kabineti, 2022 s. Ukrainanıñ vaqtınca işağl etilgen topraqlarınen sıñırdaş olğan sakinlerniñ eyiallığına ve territorial cemaatnıñ inkişafına dair içtimaiy hayriye programması vaqtını sürdi. Daa o, ilk kere Herson vilâyetine tarqatılacaqtır.

Bu, Ukrainanıñ vaqtınca işğal etilgen topraqlarınıñ reintegratsiya nazirligi ve ««Naftogaz Ukrainı» Milliy aktsiyalı şirketi» aktsiyalı şirketiniñ orta bit keyhasıdır.

Ükümetniñ emri yardımınen 2022 senesi devamında içtimaiy astyapı obyektlerinde ve kiriş-çıqış yoqlav keçitleriniñ hızmet zonalarında yañı energiya semereli tehnologiyalarnıñ tiklenmesi devam etecektir. Bu, vatandaşlarnı muhtar elektrik energiyası menbasınen temin etmege ve olarnıñ energiya tabilligini eksiltmege imkân berecek, yañı iş yerlerini, sakinlerniñ eyiallığını ve territorial cemaatnı inkişaf etmek içün şarait yaratacaqtır.

Bu leyha böyle maddelerini esapqa alır:

• evler ve binalarnıñ damlarında kiçik küneş elektrik stantsiyalarını tiklenmek;
• foto elektrik modulleriniñ esasında cayav keçitlerinde ve ortaqlaşıp qullanuv yerlerinde yol fenerlerini tiklenmek;
• yolcular taşılması içün elektrik naqliyat vastalarınen temin etmek.

Bundan ğayrı, Nazirler Kabineti leyhanıñ territoriyasını kenikletti. Bugün leyha,  Donetsk ve Lugansk vilâyetleriniñ kontrol astındaki topraqlarından ğayrı, vaqtınca işğal etilgen Qırım Muhtar Cumhuriyetinen sıñırdaş olğan Herson vilâyetine kirsetilir.

2021 s. içtimaiy hayriye programmasını kerçekleştirmek içün 64 obyektniñ (32-si Lugansk ve 32-si Donetsk vilâyetlerinde yerleşe) tesbit etilgenini hatırlatamız. Olarnıñ arasında 8 bala bağçası, 19 tasil yurtu, 6 ekimhane, 12 içtimaiy-medeniy obyekt, 19 astyapı obyektidir.

2021 s. dekabr ayında aynı leyha çerçivesinde Donetsk ve Lugansk vilâyetlerinde 11 cemaat naqliyatı “aqıllı” toqtalışı tiklendi.