Ukrinform agentigindeki öz brifingi vaqtında vitse baş nazir İrına Vereşçuk qayd etti: Ukraina Azovstaldan arbiy esirler içün muntazam tarzda küreşecek ve dünya cemaatındaan rusiyeni terrorcı bir devlet olaraq tanımağa talap etecektir. Em bu kişilerge, em de Olenivkadaki terror aktı vaqtında onıñ idam etkeni ukrainalılarğa dair.

İrına Vereşçuk hatırlattı ki, grajdan kişilerniñ Azovtsaldan mayıs ayında olğan tahliyesini Reintegratsiya nazirligi keçire edi – o zamanda nazirlik grajdan kişilerniñ tahliyesini ve esirlerniñ deñişmesini keçire edi. Bu ceryan içün pek çoq ğayret kerek edi ve endi muvafaqiyetnen keçirildi.

Şu anda esirlerniñ deñişmesi – Mudafaa nazirliginiñ bölükleriniñ işidir.

Şimdi Azovtsaldan işğalcilerge oğraşqan arbiy esirlerniñ ve tibbiyetçilerniñ azat etilme meselesi aktualdır. Şu anda UMNniñ İBİ bu kişilerniñ qaytarılmasına dair aytışmalarnı keçire, dep İrına Vereşçuk qayd etti. Tamam İBİ aytışmalarnıñ vaziyetini ve bu ceryannı tefsir etmek içün vekil olaraq tayin etildi.