Tolu miqyaslı tecavuzınıñ başlanğıcından Reintegratsiya nazirligi, Ukrainanıñ kelecegi içün ayatlarını bergen 522 askerniñ bedenlerini evlerine qaytarmağa becerdi.

Milliy telemarafonınıñ canlı yayınında Mahsus vaziyetlerde habersiz ğayıp olğan kişiler meseleleri vekili Oleh Kotenko bu aqqında haber etti.

Onıñ sözlerine köre, bedenlerniñ berilmesi Donetsk, Luhansk ve Harkiv yönelişlerinden yapılır.

Vekil qayd etti ki, duşmannen bedenlerni berüv ceryanı aqqında aytışmalar Qırmızı Haçnıñ aracılığınen keçirilir, bedenleri berüv tamam ceryanında Cenevre şartnamesine riayet eterler.

“Bizim qorçalayıcılarımıznıñ yaqınlarına berüv ceryanı üzerinde çalışmağa devam etemiz. İnsanlar raatsız olmamalılar, çünki Ukraina içün ayatını bergen er bir qorçalayıcını mıtlaqa qaytaracaqmız”, – dep Oleh Kotenko qayd etti.