Rusiyeniñ başlatqanı cenk alâ daa ukrainalılarnı evlerinden ayırmağa ve daa telükesiz yerlerge köçmege mecbur ete. Devlet içinde alınğan kişilerni yerleştirgenler devletten tazminat ala bilirler.

Bunı yapmaq içün:

• yerli öz idare organlarına (icra eyyetine) yerleştirilgenlerniñ adlarını yazıp, kişilik vesiqalarnıñ kopiyalarını ilâve etip, kâğıt ya da elektro şeklinde ariza bermek kerek;
• 5 kün devamında yerli akimiyet organları, köçip kelgenlerniñ sayısını ve olarnıñ bilgilerini, ve olarnıñ bedava yaşap yaşamağanını teşre bilir.

Mesken odalarğa saip olğan ve anda DAKni bedava olaraq yerleştirgen 18 yaşından büyük ukrain vatandaşları tazminat ala bilirler. Yardımnıñ miqdarı bir kişi içün aylıq 450 grivnadır.

Daa haberdar etemiz: ukrainalılarğa trennen tahliye etmege ve mesken tapmağa yardımcı olğan “Sizni beklegeni yer” leyhası Ukrainada işley. Bağlantığa basıp, vilâyetlerdeki boş yerlerniñ interaktiv haritasını köre bilirsiñiz.

Bundan ğayrı, bedava mesken tapmaq içün “Dopomağay” (“Yardım et”) platforması qullana ya da sıcaq hattınıñ 0 (800) 332 238 nomerasına telefon ete bilirsiñiz.

Daa “Prıhıstok” veb-resursı yardımınen “Mesken tapmaq” dögmesine baıp bütün Ukrainada bedava mesken tekliflerini tapa ve onıñ saibine bağlana bilirsiñiz.