“Şu anda devlette eki büyük cebe bar. Arbiy – bizim askerlerimizniñ bizni qorçalağanları cebe ve gumanitar – devletniñ, bizim epimizniñ yardımğa ihtiyac duyğanlarnı – qart kişiler, çoq balalı aileler, balalarnı qorçalağanları cebe”, – “RADA”nıñ bugünki canlı yayınına qatılıp vitse baş nazir İrına Vereşçuk bildirdi.

O qayd etti: devlet ealiniñ eñ zayıf gruppalarına baqmağa devam etecek, çünki devlet destegi ve içtimaiy kefaletleri olmadan şimdiki vaziyette pek zor olacaq.

Memur hatırlattı ki, az mobil eali gruppaları ve qart kişiler içün şu anda telükeli bölgelerden tahliye vaqtında bütün şartlar yaratıldı. Bu cümleden, olarnı meskenge (ya da kompaktlı yaşama yerine ya da kerekli olsa tibbiy müessiselerge) taşıycaq bedava mahsus olaraq abadanlaştırılğan naqliyat.