Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ koordinatsıyasınen Ukrainadaki İsviçre Elçiligi aprel ve mayıs ayları devamında devletimizniñ altı vilâyetine azıq mahsulatınen gumanitar yik yolladı.

Yardım Odesa (1,2 biñ tonna), Vinntsâ (1,1 biñ tonna), Sumı (563 tonna), Harkiv (527 tonna), Dnipropetrovsk (540 tonna) ve Mıkolayov (818 tonna) vilâyetlerine ketirildi. Gumanitar yükler undan, künaylan yağından, qara boğdaydan, mısırboğdaydan ve makadan, şeker ve tuzdan, et ve sebzelerden ibarettir.

Onıñ umumiy fiyatı 5,5 mlndan ziyade franktir (170 mlndan ziayde grn).

Qayd etmek kerek ki, Reintegratsiya nazirligi 2016 senesinden berli Ukrainadaki İsviçre Elçiliginen, hususan Donetsk ve Luganks, herson vilâyetleriniñ grajdan ealisi içün gumanitar yardım ketirme çerçivesinde yaqın işdeşligi yapar.

Bu tür işdeşlik em de rfnıñ Ukrainanıñ topraqlarına tolu masştablı tecavuzınıñ başlanğıcından soñ devam etti.

Reintegratsiya nazirligi, İsviçre Elçiligine devletimiz içün bu zor zamanlarda ukrain halqını ve umumen Ukrainanı destek içün teşekkür bildire.