2022 s. aprel ayınıñ 30-ından evel Diia vastasınen ariza bergen faqat yardım almağan devlet içinde alınğan kişiler ealiniñ içtimiy qorçalama organına daa bir kere hitap etme bilecekler. Bugün Ükümetniñ oturışında maqbul qarar berildi.
Yardım almaq içün insan ealiniñ içtimiy qorçalama organına kelip ariza yazmaq kerek. Daa elektron taşıyıcıda saqlanğan Diia qullanımı vastasınen ariza berme delilinen malümat bermek kerek.
Yardım, ariza bergen 10 iş künü boyunca tayin etile. 2022 s. oktâbr ayınıñ 1-ine qadar bu yapıla bilir.
Qoşamız ki, bu cümleden Ukraina vitse baş naziri – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuknıñ başlığınen 2022 s. iyül ayınıñ 22-sindeki oturışınıñ neticelerine köre maqbul vesiqa Raqam nazirliginen işdeşliginde İçtimaiy siyaset nazirligi tarafından azırlandı.
