Vaqtınca işğal etilgen Lugansktaki tolu ayat alâ daa 2014 ve 2015 seneleri arasında yaki faal arbiy areketlerniñ ilk basamağından soñ toqtatıldı. O zamanlardan berli iç bir şey yahşılaştırılmadı. Aksine de: mesken yañıdan qurulmaz, iş yoq. Stıdentlerni ve devlet müessiseleriniñ işçilerini birleştirgen vanatperverlik tedbirleriniñ sayısı çoqlaştı. 2022 senesi rusiyeniñ Ukrainağa tolu masştablı tecavuzından berli şeerde erkekler körünmez. Bazıları mobilizatsiya etildi, bazıları ise soqaqqa degil, qapığa bile çıqmağa qorqar.

Mayıs ayınıñ 27-sinden itibarınen

LUGANSK VİLÂYETİ

Şu anda Lugansk vilâyetiniñ 95%-i rus işğali astındadır. Vaziyet pek kergin: duşman cebe sıñırındaki şeerlerni ve Lısıçansk – Bahmut qara yolunı ateşke tutmağa toqtamaz. Anda işğalciler öz blok noqtalarını pekite bildiler, amma tamam yol kesilmedi, gumanitar yükler alâ daa ketirilir. Faqat, ayat telükesi bar.

Eñ yaramay vaziyet Severodonetskte. Şeerciler mında eñ az yarım saatlik bir sessizlik olğanında çoqtan unuttılar. Soñki bir buçuq afta ateşler toqtatılmaz. Umumen mesken fondnıñ 90%-i ya bozuldı ya da viran etildi. 12-13 biñ kişi ateşler atında yaşamağa qalır. Yerli hastahane tek yaralanğanlarğa ya da başqa bölgelerge tahliye etilgen ağır hastalarğa ilk yardım berir.

Soñki tolu ücüminden soñ Lısıçanskta 19 obyekt yoq etildi. Popasna ve Ğirske cemaatlardaki viran etilgen mesken sayılmaz. Tek mayıs ayınıñ 27-sinde işğalciler Zolotede 11, Ğirskede 9, Toşkivkada 8, Nırkovede 4 ve Mıkolayovkada 3 ev yoq ettiler.

Keçenlerge qadar Lugansk vilâyetiniñ üç meskün yerinde 36 biñ abune gaz qullana edi. Magistral borulardaki gaz tahminen daa bir buçuq ay içün qalır edi. Faqat ateşler sebebinden soñ gaz üleştirici stantsiyası toqtatıldı. O zamandan berli vilâyet gazdan tamamınen kesildi.

Keçkenlerde kibi, Lugansk vilâyeti elektrikten de tamamınen kesildi. Merkezleştirgen suv teminatı da yoq. Qurtarıcılar, ealiniñ keregi içün suv ketirirler.

Umumen Lugansk vilâyetiniñ işğal etilmegen toprağında 40 biñden ziyade sakin qalır. Olarnıñ çoqusı şeerden çıqmağa istemey. Azıq mahsulatı olarğa “ayat yolu” vastasınen ketirilir, faqat bazı da tibbiy yardım kerekli olsa, diger bölgelerge ketmeliler.

Dercde, Lugansk vilâyet devlet memuriyetiniñ resmiy Facebook saifesinden alınğan malümat qullanıldı. Vilâyetiniñ toprağında arbiy areketler devam etkeni sebebinden vilâyetiniñ vaziyetini ögrenmek şu anda imkânsız qalır.