Tünevin vaqtınca işğal etilgen Donetskten eki ösmür: Mariupol qurucılıq kolleciniñ studentleri olğan İvan Matkovskıy ve Maksım Boyko qaytarıldı. Balalar eki ay evel o yerge ketirildi.

“Şu anda olar biraz yorğun, amma endi telükesizliktedir”, – dep Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk vaqianı tefsir etti.

Mariupol qurucılıq kolleciniñ müdiri – balalarnıñ vasiyi Anton Bilay, telükeli ve ciddiy qurtarma missiyasını özüne aldı.

“Oğlanlarnı qurtarğanda israr içün vasiyi Anton Bilayğa, yardım içün Halqara Qırmızı Haç Eyyetine ve “SOS Bala Şeerçikleri” hayriye fonduna teşekkür bildirem”, – dep İrına Vereşçuk oğlarnen körüşkende qayd etti.

Şimdiden balalar, oquv müessisesiniñ taşınğanı Hmelnıtskıy şeerinde yaşaycaqlar ve oqumağa devam etecekler.