2021 s. Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Levko Lukyanenko adına devlet stipendiyasını ödemege devam etmektedir. Yanvar ayında 13 ukrain vatandaşı böyle ödevlerni aldı.

Bu stipendiya alğan üç esir, bu zamanğa qadar vaqtınca işğal etilgen topraqlarda qanunsız olaraq Rusiye Federatsiyası ve işğal ükümeti tarafından tevqif olmaqtadır, olarnıñ yerine ödevlerni aqrabaları ve/ya işançlı şahısları aldılar.

Qanunsız esirligten azat etilgen 10 kişi bir sene içinde devlet stipendiyasını alacaqlar.

Qoşma malümat. Levko Lukyanenko adına devlet stipendiyası, bu kişilerniñ içtimaiy ya da siyasiy faaliyeti sebebinden Donetsk ve Lugansk vilâyetlerindeki ve Qırım Muhtar Cumhuriyetindeki vaqtınca işğal etilgen topraqlarnı kontrol astında tutqan Rusiye Federatsiyası ya da RF işğal memuriyeti tarafından qanunsız olaraq tevqif olğan ukrain vatandaşları içün er ay üç yaşayış azğarınıñ miqdarında teyinlenmekte.

Siyasiy «Kremlniñ esirleri» qanunsız esirlikten azat etken soñ bir sene içinde delvet stipendiyasını alacaqlar.

Dekabr ayında Levko Lukyanenko adına stipendiyanı üç «Kremlniñ esiriniñ» alğanını hatırlatamız.

Bundan ğayrı, 2021 s. dekabr ayınıñ 16-sında Ukraina Prezidenti Volodımır Zelenskıy, Ukrainanıñ suverenitetini qorçaluvğa ve territorial bütünligini ğayrıdan tiklevge yönelgen öz cemaat ögündeki fikirleri, graldan-siyasiy faaliyetleri sebebinden qanunsız maküm etilgen ve işğal bir devlet Rusiye Federatsiyası tarafından qanunsız olaraq episte tutulğan  14 ukrain vatandaşına Levko Lukyanenko adına devlet stipendiyalarını tayin etti.