Ukraina Nazirler Kabineti, “Oşçadbank” ATniñ ve diger bank müessiseleriniñ çalışmağanı topraqlarda pensiya ve diger içtimaiy ödemelerni ödemesi meselesini çezdi. İyün ayınıñ 10-unda Ükümetniñ oturışında Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ teklifinen maqbul qarar tasdıqlandı.

Laf, cenk (arbiy) areketleri rayonlarında yerleşken ya vaqtınca işğal astında bulunğan ya da qırşavlanğan (bloklanğan) territorial cemaatlar sıñırlarında ödemeler aqqındadır.

Bu tür topraqlarnıñ sakinlerine ödemeler “Ukrpoşta” AT vastasınen yapılacaq. Tehnikiy imkânlarğa ve işçilerniñ ve müşterilerniñ ayatı ve sağlığı telükesizliginiñ teminatınıñ prioritetligine köre, pensiya ve diger içtimaiy ödemeler yapılacaq.