Ukraina vitse baş naziri İrına Vereşçuknıñ başlığınen Reintegratsiya nazirliginiñ taqımı Lehistanğa ketti. Ukrain memurları ve olarnıñ leh zenaatdaşları, çeşit türlü naqliyat içün sıñırlarnı keçüv, yüklerni ketirüv ve resmiyleştirüv ceryanları, sıñırlarnı beraber nezaret etüv kibi meselelerni muzakere ettiler.

Ziyaretniñ programmasında – “Leh-ukrain sıñırı – inkişaf içün fırsatmı maniamı?” halqara konferentsiyasında iştirak etmek, leh akimiyetiniñ vekillerileri ve içtimaiy teşkilâtlarnıñ reberlerinen körüşmek, Ukraina ve Lehsitannıñ gençleri içün UNICEFniñ yardımınen yaratılğan “Orta Lüblin” içtimaiy boşluğunı ziyaret etmektir.

Hatırlatamız ki, tolu miqyaslı tecavuznıñ ilk künlerinden berli Lehistan Ukrainağa er taraflı ve açıq aydın tarzda yardım ete. Kerçekten de devletimiz içün o, logistika bir habı oldı. Bundan ğayrı, anda millionlarca ukrain insanı mesken tapa bildi. Bugünki ziyaret – Ukrainanıñ Avropa Birliginiñ ülkelerinen naqliyat alâqasını yahşılaştırmaq içün daa bir meydançıqtır.