Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ 2021 s. noyabr ayınıñ 23-ündeki  № 258 “Memuriy sıñırdan taşınmağa sıñırlanğan ya da yasaq etilgen malnıñ ve şahsiy mülkiyet sayıla bilgen malnıñ cedveli ve kölemini (fiyat/ağırlıq/miqdar) tasdıqlama aqqında” emri Ukrainanıñ tüm vaqtınca işğal etilgen topraqlarına tarqatılır.

Bu tür deñişmeler Ukrainanıñ vaqtınca işğal etilgen topraqlarında yaşağan Ukrain vatandaşlarınıñ aqlarınıñ qorçalanmasına yardım etecek. Keçenlerde bu qanun tek vaqtınca işğal etilgen Qırım Muhtar Cumhuriyeti ve Aqyar şeerine dair işley edi.

Hatırlatamız ki, 2021 s. noyabr ayınıñ 23-ündeki  № 258 Emrine köre, silâ ve arbiy aletler, yük maşnaları ve mahsus tehnika içün donatmalar, halqara ketirilmeleri devlet nezareti astında olmaq kerekli arbiy tahsisli cedvelge kirsetilgen şeyler, arbiy urba, arbiy şekillerni ve uquq qorçalayıcı, içtimaiy qorçalama organlarını farq eticiler, narkotikler, fikirge tesir etken maddeler ve prekursorlar, malümat almaq içün mahsus tehnikiy aletler, pestitsidler ve agrohimik şeyler, qurucılıq malzemeleri (tahta, taş, tsement, blok, tola, demir malzemeler) v.b. VİETdan çıqarmağa ve o yerge ketirmege yasaqtır.

Tecavuzcı bir devletniñ topraqlarında, vaqtınca işğal etilgen topraqlarda basılğan neşirniñ, memuriy sıñırını keçken hususiy şahısnıñ saip olğanı öz maşnası içün ğayrı yengil maşnalar içün avtomobil parçalarınıñ ketirilmesi de sıñırlanğandır.