VİETnıñ sakinleri içün Reintegratsiya nazirliginiñ taqımı eñ müim alâqalarnı ve ayatnıñ 7 eñ müim tevsiyelerini yayınladı. Yaqınlarnen alâqa coymayıq, duşmannen işdeşlik yapmayıq, duşman “pasportı”nı almayıq. Ve imkânımız olsa, tahliye eteyik. Ebet, ğalebe qazanacaqmız!
Mesken, para ödemeleri, tıbbiy yardım, balalar içün tasil, Cebege yaqın bölgelerden ve VİETdan tahliye etmege qarar bergen DAK devletten er taraflı destegine işana bilirler, dep vitse baş nazir İrına Vereşçuk haber etti.
Reintegratsiya nazirliginiñ Milliy malümat bürosı ve Qırmızı Haç Halqara Eyyeti ukrain arbiy esirleriniñ Ukrainadaki aqrabalarınen mektüpleşmesini teşkil etmege başladılar. Bu tür mektüpleşme Cenevre şartnamesinde esapqa alınmaqtadır. Qırmızı Haç Halqara Eyyetiniñ aracılığınen ilk mektupler alındı.
Halqara gumanitar teşkilâtlardan deyerli 600 mln dollarlıq para yardımını tahminen 2,7 mln DAK aldı, dep vitse baş nazir İrına Vereşçuk haber etti. Seneniñ soñuna qadar halqara hayriyetçiler umumen 6,3 mln ukrainalığa yardım bermege planlaştıralar.