İşğalden azat etilgen topraqlarnı yañıdan integratsiya etkende şu anda Ukraina birinci nevbetteki inanılmaz tecribe ala. Dünyada o qadar global umumiy devlet ceryanı alâ daa olmadı. Bunıñ içün de kerekli qanunlarnı qullanuv ceetinden iç kimseniñ tecribesi yoq, tamam şu anda ukrainalılar bunı ögrenmege mecbur oldılar, dep Donbasnıñ reintegratsiyası meseleleri eyyetler arası iş gruppasınıñ oturışında vitse baş nazir İrına Vereşçuk hulâsa çıqardı.

«Bizim vaziyetimiz yekânedir. Devletniñ kontrolı astına farqlı bölgeler qaytarılır: Donetsk, Hakiv, Herson, Zaporijjâ vilâyetleri… Er kesniñ öz, ayrı mahsus vaziyeti bar. Episiniñ uquqiy hususiyetleri bar. Kelecekte bu tür bölgelerniñ sayısı artacaqtır. Şu anda bizim, işğalden azat etilgen bütün topraqlarğa tek ususlnı temin etecek çerçive qanunlarına ihtiyacımız bar. Onıñ yaşayış faaliyetindeki farqlı ceetlerinde. Halqara qanunlarında bu tür vaqialar yoq edi, bunıñ içün öz basımızğa yañı saifeden olarnı işlep çıqaracaqmız!» – dep memur qayd etti.

İrına Vereşçuk, endi baar mevsimine qadar qanun leyhaları azırlanacaqlarına ümüt bildirdi.