Ukraina Vitse baş naziri İrına Vereşçuknıñ reberliginen arbiy areketlerniñ devam etkeni rayonlarda, vaqtınca işğal etilgen ya da qırşavlanğan topraqlarda bulunğan kişilerniñ tasilge irişimine dair bir oturış oldı.

Bu oturışta Tasil naziri Serhiy Şkarlet, halq mebusları, Qırım MCdee Ukraina Prezidentiniñ Vekillginiñ, halqara ve milliy ükümetler arası teşkilâtlarnıñ vekilleri v.b. iştirak ettiler.

VİETde bulunğan kişilerniñ yüksek tasil yurtlarına, ayrıca online şekilde, kiriş meselesi, ve mezkür topraqlarda yaşağan talebeler içün oqutuv ceryanınıñ teşkil etilmesi muzakere etildi. Ayrıca iştirakçiler, “Diia” qullanımıda tasil vesiqalarını yaratmasını, VİETnıñ mezunlarınıñ kontrol etkenimiz topraqlarda tolu ve baza umumiy orta tasil vesiqalarını almasını muzakere ettiler.

Oturışnıñ neticelerine köre, taraflar muzakere etilgen meselelerni qolaylaştırmaq ve çezmek maqsadınen esas mehanizmlerni tesbit etmege añlaştılar. Meraqlanğan akimiyet organlarına maqbul emirler berildi.