Öksüz balanıñ vaqtınca işğal etilgen ya a rfnıñ topraqlarına qanunsız ketirilmesini ögrenseñiz, 050-562-03-13 nomerağa telefon etip Reintegratsiya nazirliginiñ profilli mütehassısı Nataliya Yemetsni bu aqqında mıtlaqa haberdar etiñiz. Em de sıcaq hatqa 1648 – Milliy malümat bürosına telefon ete bilirsiñiz.

Müim ki, areket yapmadan evel qanunsız alınğan bala ve onıñ ketirilmesiniñ sebepleri aqqında mümkün olğan çoq bilgi toplamağa tırışıñız. Tafsilâtlarnı unutmamaq içün oplağanıñız tüm bilgilerni ögrengeniñiz vaqıt yazıñız.

İmkânıñız olsa, aşağıdaki bilgiler toplap haberdar etmek kereksiñiz:

1. Ketirilgen balanıñ adı;
2. belli olsa, balanıñ doğğanı tarih;
3. balanıñ yaşağanı yer;
4. balanıñ qanunsız olaraq alınğanı yer ve qanunsız alınmanıñ sebepleri;
5. belli olsa, balanıñ şu anda bulunğanı yer;
6. Balanıñ statusı: öksüz, evlâtlıqqa alınğan;
7. balanıñ qanunsız alınması aqqında haberdar etken kişiniñ bilgileri: adı, şu anda bulunğanı yer, alâqa nomerası, elektron poçtası.

Malümat Reinegratsiya nazirligine berir bermez, balanı evine qaytarma işni başlatmaq içün öksüz balanıñ bilgileri Milliy malümat bürosınıñ maqbul siciline kirsetilir.

Devletniñ, er bir ukrain vatandaşı içün küreşkenini unutmañız!