Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, Lehistan Tışqı işler naziri – ATİTnıñ başı Zbignev Raunıñ reberliginen Lehistan Cumhuriyeniñ delegatsiyasınen körüşti.

Muzakereniñ esas mevzusı, gumanitar meseleleri, bu cümleden Rusiye Federatsiyası tarafından bloklanğan kiriş-çıqış yoqlav keçitletiniñ işlemesinen bağlı mesele oldı. Şimdi sıñır sızığındaki 7 KÇYKnden muntazam tarzda tek Lugansk vilâyetindeki “Stanıtsâ Luganska”, Dontesk vilâyetindeki “Sarı Bulat” ise sıñırlamalarnen aftada eki kün çalışmaqta, başqaları ise RF tarafından tamamınen bloklanmaqta.

«Vaziyetniñ tek yaramaylaştırğanını tesbit etmek kerekmiz. Rusiye Donetsk ve Lugansk vilâyetleriniñ topraqlarında bağlarnı mahsus bloklamaqta ve insanlarnı reineler olaraq qullanmaqta. Endi yarın KÇYKni açmağa azırmız. Rus tarafınıñ böyle istegi olsa, kerekli olğan er şeynen temin etecekmiz. Sizni, bu cümleden Üç taraflı kontakt gruppası ve ATİT vastasınen, bütün mevcut olğan çareler yardımınen KÇYKni bloksuzlaması içün Rusiyege ezmege rica etemiz», – leh ortaqlarına muracaat etip Vereşçuk bildirdi.

Daa Vitse-baş nazir, KÇYKniñ fevral ayında açılmağanı tarzda vaqtınca işğal etilgen topraqlarda yaşağan biñlerce ukrain vatandaşınıñ qanunlarnen tesbit etilgen öz pensiyaları ve içtimaiy ödevlerini ğayıp ete bilecegine diqqat ayırdı. Çünki, keçenlerde haber bergeni kibi, “Oşçadbank” öz kartlarınıñ işleme vaqtını 2022 s. aprel ayınıñ 1-ine qadar soñ kere uzattı. Vatandaşları bu vaqıtqa qadar identifikatsiya etmege yetiştirmeseler ve bu kartını yañıdan çıqarmasalar, ödevler toqtatılacaq.

Aynı zamanda Zbignev Rau, mezkür meselelerni çezmege yardım etmek içün mevcut olğan çarelerni qullanağa söz berdi. Bu cümleden, ATİTnda başlıq çaresini qullanaraq ve aytışmaq içün kelecek aftada planlaştırılğan RFna ziyaret vastasınen.

«Lehistannıñ nazar noqtası içün bütün ukrain halqından teşekkür bildirem. Ukraina içün tamam böyle ağır vaqıtlarda destegiñizni duyamız ve optimizm berir. Avropa Birliginde ve NATOda böyle yahşı dostlarımız ve ortaqlarımıznıñ olğanını bilmek bizim içün pek müimdir», – dep Vereşçuk hulâsa çıqardı.

Keçenlerde rus tecavuzından zarar körgenlerge yardım etmege yönelgen gumanitar leyhalarda Ukrainanı desteklemesini, İsveçiya halqara inkişaf ve işdeşliknen bağlı meseleler naziri Matilda Ernkransnıñ reberliginen İsveçiyanıñ delegatsiyasınıñ bildirgenini hatırlatamız.