‘İnter’ telekanalınıñ canlı yayınında vitse baş nazir İrına Vereşçuk ukrain vatandaşlarını tecavuzcılarnıñ VİETda keçirmege planlaştıracaqları böyle degen ‘referendumlarda’ iştirak etmemege çağırdı.

‘Eñ yahşı çare – tahliye etmektir. Böylece siz işğalcilerden özüñizni ve aileñizni qorunacaqsıñız ve olarnıñ basımından qaçacaqsıñız. Ukrainanıñ qanunlarını da bozmañız. Olarğa mücibi VİETda böyle degen ‘referendumlar’da iştirak içün cinaiy mesüliyet esapqa alına.’

Memur, ketmege qorqmamağa ve ava yahşı olğanına qadar tamam şu anda bunı yapmağa çağıra. Küz yağmurları tahliyeni zorlaştıralar, çünki yollar terenge yuvulacaq.

İrına Vereşçuk qayd etti: devlet, Ükümetniñ kontrol etkeni topraqlarına köçken er bir ailege baqacaqtır. Er kes mesken, maliyeviy yardım, ilâçlar, azıq mahsulatı, issi urba ve ilk kerekli eşyalarnen temin etecek.