Rus ordusınıñ muntazam olaraq ateş açqanı içün Avropavada eñ büyük ZAES etrafındaki vaziyet kergin qala. Bu cümleden, bugün ateşler yanğınnıñ neticesi oldı ve soñ elektrik blok elektrikten kesildi. Etraflı meskün yerlerniñ tınç yaşağan sakinleri eñ acele tarzda tahliye etmege isteyler, dep frenk LCI telekanalınıñ canlı yayınında jurnalistlerniñ suallerine cevap bergende vitse baş nazir İrına Vereşçuk haber berdi.

‘İnsanlar bizden kütleviy olaraq yardım soraylar – olar telükeli topraqlardan çıqmağa tırışalar. Biz rfna qadınlar, balalar ve qartlarnıñ tahliyesi içün gumanitar korideor açma talabınen daa bir kere murazaat etemiz!’, – dep memur çağırdı.

O hulâsa çıqardı ki, rusiye bu tür kordorlarnı açmağa resmiy olaraq red etti. Buna baqmadan, Ukraina telükesiz bölgelerge ketmeleri içün vatandaşlarına yardım etmege tırışmağa bıraqmaycaq, dep İrına Vereşçuk qayd etti.