Bugün Ükümet bu qarar tasdıqladı. Ukraina Prezidentiniñ teşebbüsinen Ükümet oturışında baş nazir Denıs Şmıhal İşğalden azat etilgen topraqlar meseleleri koordinatsiya ştabını teşkil etmege avale etti. Ştabnıñ başınıñ vazifesini vitse baş nazir İrına Vereşçukqa bermege teklif etildi.

Koordinatsiya ştabınıñ esas vazifesi – USQniñ duşmandan azat etilgen topraqlarnı, devlet ve grajdan astyapısını yañıdan qurmaq, olarnıñ yaşayış teminatını normalaştırmaqtır. Şu anda bu tür topraqlarnıñ sayısı arta.

“Ukraina, duşmannıñ işğal etilgen topraqlarda ne qayğanını endi kördi. Bu, viran etilgen içtimaiy ve kommunal astyapı, viran etilgen mesken, yanğan ve hızsızlanğan teşkilâtlar, azaplama odalarına yaratılğan sığınaqlar. Bu topraqlarnı ayatına qaytaramız. Maqsadımız – bu rayonlarnıñ kelecek reintegratsiyası”, – dep vitse baş nazir Ükümetniñ qararını tefsir etti.

Hatırlatamız ki, keçenlerde deyerli er kün qarşı ücüm çerçivesinde Ukrain ordusı duşmandan meskün yerlerni azat ete. Böylece, avgust ayında Dometsk vilâyetiniñ Kramatorsk rayonınıñ Mazanivka köyü ve Herson vilâyetiniñ Berıslav rayonınıñ Vısokopillâ köyü azat etildi. Bir qaç kün evel USQ Donetsk vilâyetinde daa bir ve devletimizniñ cenübinde daa eki meskün yerni azat etti. Daa ukrain ordusı Lısıçansk-Severodonetsk yönelişinde ileri çıqtı.