Cumaertesi künü, sentâbr ayınıñ 8-inde, vitse baş nazir – Ukrainanıñ vaqtınca işğal etilgen topraqlarınıñ meseleleri naziri İrına Vereşçuknıñ başlığınen Ukrain-leh iqtisadiy işdeşlik meseleleri ükümetler arası eyetniñ ukrain qısmınıñ oturışı keçirildi.

Sentâbr ayınıñ 22-sinde leh Jeşuv şeerinde olacaq Sekizinci ortaq eki taraflı Eyyetniñ azırlavları çerçivesinde ukrain-leh işdeşliginiñ esas istiqbal yönelişleri muzakere etildi.

“Ukraina eki taraflı işdeşlikniñ kelecek inkişafına meraqlana, çünki 2021 senesiniñ neticelerine köre, Lehistan ABdeki ticaret ortaqları alarında ilk yer ala. İşdeşligimizniñ yönelişlerini kenişletmek ve erki taraflı munasebetni quvetleştirmek içün ortaq istiqbalni qullanmağa ınıtılamız”, – dep memur qayd etti.

Oturışnıñ iştirakçileri, devletler arasındaki kelecek işdeşliginiñ formatını tesbit ettiler. Bu cümleden, ticaret-yatırım, bergi işdeşligi, naqliyat ve astyapı, Ukrainanıñ cenkten soñ yañıdan quruluvı, köy hocalığı, migratsya, sağlıq qorçalav, gumanitar yardım saalarında v.b.