Sentâbr ayınıñ 10-unda Cumaertesi künü azat etilgen topraqlarnı yañıdan qurğan koordinatsiya ştabı çalışmağa başladı.

Ştab, işğalden azat etilgen topraqlarnıñ sakinlerini tecavuzdan azat etilgen meskün yerlerge qaytmağa aşıqmamağa çağıra.

İhtisaslarnıñ bu tür topraqlarnı ve yaşayış teminatınıñ bütün sistemasını teşkermeleri içün askerlerimizniñ izni beklemek kerek. Çünki keçenlerde işğalden azat etilgen şeerde ya da köyde elektrik, gaz, suv teminatı, merkezleştirilgen qızdıruv olmaya bilir.

Daa ştab hatırlata: işğalciler çoq patlayıcı şey qaldırıp keteler. Olar oyuncaqlar, kitaplar, sigarlar, qaldırılğan cemidan ve diger çeşitli şeyler olaraq körüne bilir. Telükeli şeyler evlerde, açıq yerlerde, ormanlarda v.b. yerlerde de ola bilir.

Yerli akimiyet remiy olaraq bildirüv yapqan soñ işğalden azat etilgen topraqlarğa telükesiz tarzda qaytmaq mümkün.