Bir aydan ziyade bir vaqıt devamında Ukrainada DİTI VİYNI (CENKNİÑ BALALARI) devlet malümat platforması çalışa. Sürgün etilgen kiçik ukrainalılarnı eñ acele tarzda evlerine qaytarmaq içün Reintegratsiya nazirligi pek çoq ğayret köstere. Tolu miqyaslı tecavuzınıñ başlanğıcından Nazirlikniñ yardımınen 55 bala, 31-i – tamam rusiyeden, evine endi qaytarıldı.

Reintegratsiya nazirliginen beraber Milliy malümat bürosı bu meseleni er vaqıt kontrol ete. Er kün sıcaq hat, balalarnı rfna qanunsız olaraq ketirme vaqiaları aqqında haberdar etken çoq insannıñ hitaplarını işley.

Reintegratsiya nazirliginiñ taqımı balalar vatanına qaytqan soñ olarnı faal olaraq destek etmege devam ete: ailelernen körüşüvler keçirile, yaşayış ve adaptatsiya meselelerini çezmege yardım berile v.b.

Hatırlatamız ki, halqara şartnameler ve Halqara cinaiy makemesiniñ vesiqaları sürgünlikni cenk cinayeti olaraq tanıylar. Devletimizge ve kiçik ukraina vatandaşlarına qarşı cinayetler içün rusiye ciddiy olaraq cezalandırılacaqtır. Rfnıñ ukrain balalarını evlâtlıqqa alması ve sürgün etimesi içün Ukraina rfna qarşı dava açacaq. DİTI VİYNI portalında bu aqqında malümat toplana.

Balalarnı rfna qanunsız olaraq ketirme vaqiaları aqqında malümat bilgen er kes MMBnıñ 24 saat işlegen sıcaq hattına 16-48 ya da Reintegratsiya nazirliginiñ Buhran qarşılıq departamentine 050-562-03-13 telefon ete bilir.

Hitap etiñiz ve belki de tamam siz balanı qurtaracaqsıñızdır!