Vilâyetteki Harkiv, Bohoduhiv, İzüm, Çuhuyiv ve qısmen Kupyansk rayonları duşmandan azat etildi.

Sentâbr ayınıñ 8-inden Kupyansk, Harkiv ve Bohoduhiv rayonlarında FVDH pitotehnikacıları 4 gektarlıq topraqnı teşkerip 400den ziyade patlayıcı şey taptılar. Keçenlerde yerli akimiyet organlarına işğalden azat etilgen topraqlardaki yaşayış teminatını yañıdan qurmağa yardım etmek içün Harkiv vilâyetine FVDH pirotehnikacıları, yanğıncıları, tibbiy ihtisasları ve müendisleri kettiler.

Topraqlarnı teşkerip olar:

• yollarnı ve meskün yerlerni misazılaştıracaqlar;
• yanğınlarnı sündürecekler, zarar körgenlerni qıdırıp qurtaracaqlar, bozulğan binalarnıñ viranelerini alıp temizleycekler;
• içtimaiy saalı binalarnıñ ve astyapı obyektleriniñ yaşayış teminatı sistemalarını yañıdan quracaqlar.

Hatırlatamız ki, Nazirler Kabinetiniñ teşkil etkeni ve keçken aftanıñ soñunda çalışmağa başlağan İşğalden azat etme meseleleri koordinatsiya ştabınıñ faaliyeti çerçivesinde işğalden azat etilgen topraqlardaki yaşayış temiantı sistemaları yañıdan qurula.