İyül ayınıñ 1-inde Ukraina Nazirler Kabineti, devlet içinde alınğan kişilerge pasportsız sicilge kirsettirmege ve ödemelerni almağa imkân bergen qararnı tasdıqladı.

Bunı yapmaq içün “Diia” qullanımından vesiqalar, bu cümleden yeVesiqa (yeDokument) ya da kişiniñ Devlet migratsiya hızmetine pasportnı vesiqalaştırmaq içün hitap etkenini tasdıqlağan bir vesiqa qullanılacaq.

Maqsat, arbiy areketler zonalarından çıqqan ve vesiqalarını coyğan insanlarğa yardım etmektir. Devlet insanlarnı bir ya da eki ay devamında vesiqalarnı bekletmemeli, olar tamam şimdi yardım almalılar.

Bu leyha, Ukraina Vitse baş naziri – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuknıñ reberliginen 2022 s. iyün ayınıñ 17-sindeki oturışnıñ neticelerine köre İçtimaiy siyaset nazirligi ve DMHnen beraber Reintegratsiya nazirligi tarafından azırlandı.

Ükümet, rus tecavuzından zarar körgen kişilerniñ ihtiyaclarına acele tarzda qarşılıq kösterir.