Şimdi Lugansk vilâyetiniñ vaqtınca işğal etilgen toprağında pek zor gumanitar vaziyet oldı. Aynı zamanda tınç yaşağan ealini tahliye etmege imkânı yoq: demir yol viran etildi, avtonaqliyat ateşke tutuldı.

ICTV telekanalınıñ intervyüsi vaqtında vitse-baş nazir İrina Vereşçuk bunı añlattı.

«Vaqtınca işğal etilgen topraqlarında, hususan Lugansk vilâyetinde, vaziyet pek zodur. Faqat toqtamağan ateşler sebebinden gumanitar tahliye koridorlarını teşkil etmege imkânı yoq. Tınçnı ne qadar çoq rica etkenimizge ve lafnıñ, qadınlar, balalar ve öksüzler aqqında olğanını ne qadar çoq añlatqanımızğa baqmadan rus işğalcisi., cevap olaraq, “Gardlar”nen ateş açar, – dep İrina Vereşçuk añlattı.

Memur, bunıñ, qorqunç gumanitar cinayet olğanını ve işğalcilerniñ bunı içün tolu tarzda cevapkâr olacağını qayd etti.