Ukraina esirlikten 215 mudafaacısını qaytardı – bu, fevral ayınıñ 24-ünden eñ büyük bir deñişme. Azat etilgenler aralarında – askerler ve grajdan kişiler. Bu cümleden, Azovstalnıñ qaramanları Denıs Prokopenko, Serhiy Volınskıy, Svâtoslav Palamar, Katerına Polişçuk, Maryana Mamonova ve başqaları.

Ukrainanıñ Lehistannen şimdiki alyansı Avropanıñ tarihına devletler arası munasebetlerniñ yañı şekli olaraq kirecek, dep Lehistannı zirayet etkenede Ukraina vitse baş naziri İrına Vereşçuk qayd etti. O, tek kreml tecavuzcısını yeñmege degil, Ukrainanıñ ABne yolu da olacaq.

İşğalden azat etilgen Harkiv vilâyetinde Reintegratsiya nazirliginiñ, Ukrainadaki Qırmızı Haç Teşkilâtınıñ ve Ukrpoştanıñ taqımlarınıñ yerine ketirgenleri bir leyha başlatıldı. İnsanlarğa 1200 grivnalıq yardım ödenecek. Buña 0,5 mlrd grn ayırıldı.

DAKniñ ödemeler tekrar arizalarınıñ alınması dekabr ayınıñ 1-ine uzatıldı. Yaqın kelecekte Ükümet bu qanun deñişmelerini tasdıqlaycaq.

Reintegratsiya nazirligi tahliye ve gumanitar yardım meseleleri çat-botunı işlete. Bağlantını Telegramda tapa bilirsiñiz: Minre_1548_Help_Bot.