İmzalanğan memorandum çerçivesinde latviya Legenda TNT şirketi, Mahsus vaziyetlerde habersiz ğayıp olğan kişiler meseleri vekiliniñ Ofisniñ qazıp çıraruv taqımlarına mina telükesi treninglerini alıp berdi.

Eki kün devamında qıdıruv taqımlarınıñ azaları em nazariy, em de ameliy alışqanlıqlarnı ögrendiler. Yañı bilgiler, minalarnen çoq kirlengen topraqlarda çalışacaq vaqıt olarğa yardımcı olacaq. Ögrenilgen malümat, aqiqiy şartlarğa azamiy olaraq yaqınlaştırılğan şartlarda mütehassıslar qullanmağa imkân aldılar.

Bundan ğayrı, qazıp çıraruv taqımlarına minalardan ve patlayıcı şeylerden saqlanmaq içün donatmalar berildi.

“Qıdıruv taqımlarınıñ azalarınıñ telükesizligi soñ derece müim, çünki olar, ayat içün fevqulâde telüke olğan yerlerde çalışalar. Ecnebiy zenaatdaşlardan ögrenilgen malümat ve alışqanlıqlar qıdıruv ceryanında özüni saqlanmağa yardım etecek!” – dep Oleh Kotenko qayd etti.