Tünevin matbuat brifingi vaqtında vitse baş nazir İrına Vereşçuk bu aqqında haber berdi.

Keçenlerde Harkiv, Herson, Mıkolayiv, Donetsk ve Luhansk kibi beş vilâyetindeki meskün yerler işğalden azat etildi. Eñ çoq Harkiv vilâyetinde (568) ve Herson vilâyetinde (226) işğalden azat etildi. Mıkolayıv vilâyetinde 99, Donetsk vilâyetinde 43 ve Luhansk vilâyetinde 7 meskün yer azat etildi.

Umumen 943 meskün yer işğalden azat etildi. Şu anda o yerelerde deyerli 360 biñ kişi yaşay.

“Bizim silâlı quvetlerimiz yardımınen bizim nazirligimizniiñ daa çoq işi ola, çünki biz işğalden azat etilgen topraqlarnı reintegratsiya etüv ceryanını teşkil etip keçiremiz. Bundan ğayrı, bunı yapmaq içün İşğalden azat etilgen topraqlar meseleleri koordinatsiya ştabımız çalışa. Onıñ vazifesi – işğalden azat etilgen topraqlarda yaşayış teminatını yañıdan yaratuv ceryanını çabikleştirmek içün bütün basamaqlarda iş idare etmektir. İşğalni başlarından keçirgen insanlarnıñ eñ çabik tarzda adiy yaşayışına qaytmaları içün uyğun şartlar yaratmaqtır”, – dep memur qayd etti.