Şu anda farqlı seviyeli tasil müessiselerinde deyerli 40 biñ devlet içinde alınğan kişi yerleştirildi.

Keçenlerde Reintegratsiya nazirligi şikâyetlerni almağa başladı: oquv yılı yaqınalaşqanı içün DAKniñ kompaktlı yerleşme yerleri olğan bazı müessiseler devlet içinde alınğan kişilerden çıqmağa talap eteler.

Vitse baş nazir İrına Vereşçuk endi qayd etti ki, alternatif vaqtınca yaşama yeri berilmeden DAK tasil müessiselerinden çıqarılmaz.

“Bütün DAKni vaqtınca meskennen temin etmek içün oquv yılı başlamadan evel mümkün olğan acele tarzda bir qarar bermek kerek”, – dep qayd etti.

Bugün Reintegratsiya nazirligi vilâyet, Kıyıv şeeri ve rayon arbiy memuriyetleriniñ tasil meseleleri ast bölükleriniñ reberlerine ve yerli öz idare organlarına iyül ayınıñ 25-ine qadar bu tür DAKni yerleşme keyfiyetle şartlarınen vaqtınca ya da içtimaiy meskenge yerleştirme meselesini çezmek talabınen maqbul mektüplerni yolladı.