Çernihiv vilâyetini ziyaret vaqtında vitse baş nazir İrına Vereşçuk oquv ceryanına azırlağan mekteplerdeki telükesizlik seviyesine ayrıca diqqat ayırdı. Bu cümleden, Talalayivkada eki mektepni ve Velıka Doroha köyündeki bir mektepni ziyaret etti.

Ziyaret neticesinde vitse baş nazir Talalayiv köy şurasınıñ І-ІІІ seviyeli Bezuhliv mektebini öz nezareti astına berdi: müessisede bombalardan sığınaq abadanlaştırılmalı. Mektepniñ reberliginen online oquma imkânlarını müzakere ettiler.

“Balalarnıñ oqumağa devam etmeleri müim, faqat o telükesiz olmalı! Bombalardan sığınaqlar prioritettir. Men ise, sığınaqları abadanlaştırılmalı olğan mekteplerniñ bu mesele çezmek içün elimden kelgeni er şey yapacağım”, – dep vitse baş nazir qayd etti.