Donetsk ve Luhansh vilâyetleriniñ vaqtınca işğal etilgen topraqlarındaki, Qırım ve Aqyar şeerindeki arhiv müessiselerinde saqlanğan vesiqalarnı alıp yola etken şahsiy ve uquqiy kişilerge qarşı sanktsiyalar kirsetilecektir. İyül ayınıñ 12-sindeki oturışnı Ükümet maqbul qarar berdi.

Reintegratsiya nazirligi Devlet arhiv hızmetiniñ bilgileri esasında qararnıñ leyhasını azırladı.

Bu kişilerge qarşı şahsiy sanktsiyalar 5 sene devamında qullanılacaqtır. Olar, aktivlerniñ bloklanmasını, kapitallarnıñ Ukrainanıñ sıñırları tışına ketirilme imkânsızlığını, intelektual mülkiyet obyektleriniñ aqlarınıñ berilme yasağını vb. esapqa alır.

Sanktisyalarnıñ qullanılması aqqında maqbul teklifler Ukraina Milliy Telükesizlik ve Mudafaa Şurasına berilecektir.

Hatırlatamız ki, Reintegratsiya nazirligi devlet sanktsiya siyasetiniñ mükemmelleştirilmesiniñ teşebbüsçisi oldı.